Main News Source.. Click hereकाठमाडौँ । पूर्वउपराष्ट्रपति नन्दबहादुर पुन ‘पासाङ’ पुत्र दीपेश केन्द्रीय अनुसन्धान ब्युरो (सीआईबी)को निगरानीमा रहेका छन् । रुपन्देहीको बुटवलस्थित सुप्रिम सहकारी ठगी प्रकरणमा पक्राउ परेर शुक्रबार धरौटीमा रिहा भएका उनी ब्युरोको निगरानीमा रहेका हुन् ।
सुन तस्करी प्रकरणमा समेत उनको शंकास्पद भूमिका देखिएकाले सीआईबीले निगरानीमा राखेको हो । ब्युरोका प्रमुख एआईजी श्याम ज्ञवालीले सुन तस्करी प्रकरणको अनुसन्धान जारी रहेको र उनको लिंकअफ देखिएको खण्डमा आवश्यक कदम चालिने बताए ।
उनले सुन तस्करीसम्बन्धी जाँचबुझ आयोगमा पुनको विषय उल्लेख भएको र यसैलाई आधार बनाएर अनुसन्धान अघि बढिरहेको बताए । तर, अहिले नै उनलाई पक्राउ गर्नेबारे भने कुनै योजना नरहेको ज्ञवालीको भनाइ छ ।
यस्तै ब्युरोका एसपी तथा प्रवक्ता होविन्द्र बोगटीले पनि उनलाई अहिले पक्राउ नगरिएपनि बयानका लागि उपयुक्त समयमा बोलाइने बताए । आयोगको रिपोर्टमा यसअघि उनबारे ब्युरोले पर्याप्त अनुसन्धान नगरी बयान कागज गराएर छाडेको विषय औँल्याइएको छ । उनको मोबाइलको फरेन्सिक जाँच गरिएको देखिएको छैन भने सामान्य बयान कागजमात्रै गराएर उन्मुक्त दिन खोजिएको आरोप लाग्दै आएको छ । उनको संलग्नता ६० किलो सुन तस्करीमा रहेको आरोप लाग्ने गरेको छ।
पुन आजै रुपन्देही अदालतले मागेको ४ लाख धरौटी बुझाएर रिहा भएका थिए ।
Adblock test (Why?)
